Հայաստանի և Ադրբեջանի միջև խաղաղության համաձայնագիրը նոր հնարավորություններ է բացում: Սա մեծ հեռանկարներ է ստեղծում Տրանսկասպյան երթուղու լիարժեք զարգացման համար: Դրա մասին, ըստ Kazinform գործակալության, Silk Way հեռուստաալիքին տված հարցազրույցում հայտարարել է Եվրոպական խորհրդի նախագահ Անտոնիո Կոշտան:
Անդրադառնալով Ղազախստանի՝ որպես ԵՄ խոշորագույն էներգամատակարարներից մեկի, և այդ համատեքստում Միջին միջանցքի կենտրոնական դերի թեմային՝ թղթակիցը հարցրել է. «Արդյո՞ք պետք է սպասենք նոր եվրոպական ներդրումների, որոնք ուղղված կլինեն երթուղու երկայնքով ենթակառուցվածքային բացերի լրացմանը»:
«Ապրիլյան ԵՄ-Կենտրոնական Ասիա գագաթնաժողովում մենք համաձայնեցինք արագացնել Միջին միջանցքի զարգացումը: Հայաստանի և Ադրբեջանի միջև խաղաղության համաձայնագիրը ևս նոր հնարավորություններ է բացում: Դա մեծ հեռանկարներ է ստեղծում Ասիան և Եվրոպան կապող և մինչև Սև ծով ձգվում Տրանսկասպյան երթուղու լիարժեք զարգացման համար»,- ասել է Կոստան:
