Գերմանիայում բնակելի շենքի տանիքին երկնաքար է ընկել

Գերմանիայի արևմուտքում գտնվող Ռեյնլանդ-Պֆալց դաշնային հողի Կոբլենց քաղաքում մարտի 8-ի երեկոյան երկնաքար է ընկել բնակելի շենքի տանիքին։

Կոբլենցի ոստիկանության հայտարարության մեջ նշվում է, որ տուժածներ չկան:

ZDF Heute-ն հաղորդում է, որ երկնաքարի բեկորը ծակել է տանիքը, ապա ընկել բնակելի տան ննջասենյակում, սակայն այդ սենյակում ոչ ոք չի եղել։

Ոստիկանության խոսնակը dpa լրատվական գործակալությանը հայտնել է, որ երկնաքարերը վնասել են նաև այլ շրջանների տանիքներն ու տները։