ՇՄՆ հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը «Ֆեյսբուք»-ի իր էջում տեսանյութ է հրապարակել՝ հայտնելով այս տարվա մայիս ամսվա եղանակային կանխատեսումը:
Սուրենյանի փոխանցմամբ՝ մայիսին օդի ջերմաստիճանը կլինի նորմայի սահմաններում, տեղումները՝ նորմայից ավելի:
«Այսինքն՝ մեզ սպասվում է ոչ սառը, բայց տեղումնառատ մայիս: Մայիսը, հիշեցնեմ, ամենախոնավ ամիսն է, և տեղումները հիմնականում դիտվում են երեկոյան և գիշերը: Օդի ջերմաստիճանը և՛ ցերեկային, և՛ գիշերային ժամերին կլինի ավելի բարձր, քան ապրիլին»,- ասել է Սուրենյանը:
