Իսպանիայի առաջնության 27-րդ տուրում Բիլբաոյի «Աթլետիկին» խփած գոլի շնորհիվ Իսպանիայի չեմպիոն «Բարսելոնայի» եւ Եվրոպայի չեմպիոն Իսպանիայի հավաքականի եզրային հարձակվող Լամին Յամալը գերազանցել է «Բարսելոնայի» նախկին հարձակվող, արգենտինացի Լիոնել Մեսիի («Ինտեր Մայամի») ցուցանիշը։
Լամին Յամալն աչքի էր ընկել 68-րդ րոպեին (տեսանյութ), «Բարսելոնան» հաղթել էր 1:0 հաշվով։
Լամին Յամալը պաշտոնական հանդիպումներում խփել է 50-րդ գոլը 18 տարեկան եւ 237 օրականում։
Յամալը 44 գոլ խփել է «Բարսելոնայի», 6 գոլ՝ Իսպանիայի հավաքականի կազմում։
Մեսին այդ ցուցանիշին հասել էր 20 տարեկան եւ 315 օրականում, պորտուգալացի հարձակվող Կրիշտիանու Ռոնալդուն՝ 21 տարեկան եւ 297 օրականում։
