Ֆրանսիայի նախագահ Էմանուել Մակրոնը հեռախոսազրույց է ունեցել իր ամերիկացի գործընկերոջ՝ Դոնալդ Թրամփի հետ, հայտնում է BFMTV-ն՝ հղում անելով Ելիսեյան պալատին։
Զրույցի մանրամասները դեռևս չեն հաղորդվում։
Ավելի վաղ Ֆրանսիայի նախագահը X սոցիալական ցանցում գրել էր, որ զրուցել է Իրանի նախագահ Մասուդ Փեզեշքիանի հետ։
Ըստ Մակրոնի, նա Փեզեշքիանին կոչ է արել բացել Հորմուզի նեղուցը և դադարեցնել հարվածները Մերձավոր Արևելքի երկրների ուղղությամբ։
Հիշեցնենք, որ փետրվարի 28-ից ԱՄՆ-ն և Իսրայելը հարձակվում են Իրանի տարածքի վրա, ինչը հանգեցրել է ավերածությունների և մարդկային զոհերի։ Ի պատասխան՝ Իրանը հրթիռային հարվածներ է հասցնում Իսրայելին և տարածաշրջանում ԱՄՆ ռազմաբազաներին։ Իսրայելի և ԱՄՆ հարձակման հետևանքով սպանվել են նաև Իրանի գերագույն առաջնորդ այաթոլա Ալի Սեյեդ Խամենեին և երկրի այլ բարձրաստիճան պաշտոնյաներ։
Մարտի 2-ին Իսրայելի դեմ պատերազմի մեջ է մտել նաև «Հեզբոլահ» շարժումը։ Իսրայելը հայտնել է շարժման դեմ հարձակողական գործողություն սկսելու մասին։
