Գերմանիայի կանցլեր Ֆրիդրիխ Մերցը դեկտեմբերի 9-ին Բեռլինում կհանդիպի Հայաստանի վարչապետ Նիկոլ Փաշինյանի հետ։ Դրա մասին, ըստ ТАСС-ի, հայտարարել է Գերմանիայի կառավարության ներկայացուցչի տեղակալ Սեբաստիան Հիլլեն։
Ըստ նրա՝ հանդիպումը տեղի կունենա երեքշաբթի՝ տեղական ժամանակով մոտավորապես 16:00-ին (Երևանի ժամանակով 19:00-ին), Դաշնային կանցլերի գերատեսչության շենքում՝ զինվորական պատիվներով։ Բանակցությունների հիմնական թեմաները կլինեն երկկողմ տնտեսական համագործակցությունը, տարածաշրջանային հարցերը և Հայաստանի ու Ադրբեջանի միջև խաղաղության գործընթացը։
Բանակցություններից հետո նախատեսվում է ղեկավարների համատեղ մամուլի ասուլիս։
