ԱՄՆ պետքարտուղարի՝ զենքի վերահսկողության և միջազգային անվտանգության հարցերով տեղակալ Թոմաս Դինաննոն, ըստ Վաշինգտոնի տվյալների, հրաժարվել է հայտնել, թե արդյոք Իսրայելը միջուկային զենք ունի, ։
Ներկայացուցիչների պալատի արտաքին գործերի հանձնաժողովի լսումների ժամանակ Դինաննոյին հարցրել են, թե արդյոք Իսրայելը միջուկային զենք ունի։ «Ես պատրաստ չեմ մեկնաբանել դա,- ասել է դիվանագետը՝ պատասխանելով ամերիկացի օրենսդիրներից մեկի հարցին,- Ես չեմ կարող մեկնաբանել դա։ Ավելի լավ է այդ հարցը իսրայելական կողմին տանեք»,- հավելել է նա: «Այդ հարցի քննարկումը դուրս է իմ՝ որպես ԱՄՆ պետքարտուղարի՝ զենքի վերահսկողության և միջազգային անվտանգության հարցերով տեղակալի լիազորություններից»,- ընդգծել է ԴիՆաննոն։
2023 թվականին Ստոկհոլմի միջազգային խաղաղության հետազոտությունների ինստիտուտը (SIPRI) հրապարակել է զեկույց, որում Իսրայելը ներառվել է միջուկային զենք ունեցող երկրների ցանկում։ Փաստաթղթում ընդգծվում է, որ հրեական պետությունը, որը պաշտոնապես չի ընդունում միջուկային զենքի առկայությունը, արդիականացնում է իր միջուկային զինանոցը։
