Իրանը կարող է «բացել ևս մեկ ճակատ» կամ իրական սպառնալիք ներկայացնել Բաբ էլ-Մանդեբի նեղուցի համար, եթե թշնամին ռազմական գործողություններ ձեռնարկի իրանական կղզիներում կամ այլ կերպ սրի հակամարտությունը, Tasnim լրատվական գործակալությանը հայտնել է իրանական ռազմական աղբյուրը:
«Եթե թշնամին ցանկանա ռազմական գործողություններ ձեռնարկել իրանական կղզիներում կամ մեր տարածքի ցանկացած այլ վայրում, կամ վնասել Իրանին Պարսից ծոցում ռազմածովային գործողություններով, մենք նրանց համար այլ ճակատներ կբացենք»,- ասել է աղբյուրը՝ հավելելով, որ «Բաբ էլ-Մանդեբի նեղուցը համարվում է աշխարհի ռազմավարական նեղուցներից մեկը», և «Իրանն ունի միանգամայն իրական սպառնալիք ներկայացնելու կարողություն»:
