Իրանի միջուկային ծրագրի և Մերձավոր Արևելքում հակամարտության կարգավորման շուրջ ԱՄՆ-ի և Իրանի բանակցությունները կարող են տեղի ունենալ հանգստյան օրերին Իսլամաբադում: Այս մասին հայտնել է ԱԷՄԳ-ի գլխավոր տնօրեն Ռաֆայել Գրոսին, հաղորդում է ՌԻԱ Նովոստի-ն:
«Կարծում եմ՝ բանակցությունները կարող են կայանալ այս հանգստյան օրերին Պակիստանի մայրաքաղաք Իսլամաբադում: Ենթադրում եմ, որ դրանք կլինեն ավելի լայնածավալ և չեն վերաբերի միայն միջուկային էներգետիկային կամ հակամարտության պատճառներին: Այս անգամ օրակարգում կլինեն նաև հրթիռները, Իրանի դաշնակից աշխարհազորայինները և Իրանի համար անվտանգության երաշխիքները»,- հայտարարել է Գրոսին:
