Իրանի և Իսրայելի միջուկային օբյեկտներին հասցվող հարվածները կարող են «լիակատար աղետի» հանգեցնել։ ՄԱԿ-ի Մարդու իրավունքների խորհրդում Պարսից ծոցում Թեհրանի հասցրած հարվածների քննարկման ժամանակ հայտարարել է ՄԱԿ-ի մարդու իրավունքների գերագույն հանձնակատար Ֆոլկեր Թյուրքը։ Այս մասին հաղորդում է AFP-ն։
«Ինչպես Իսրայելում, այնպես էլ Իրանում միջուկային օբյեկտների մերձակայքում իրականացված վերջին հրթիռային հարվածներն ընդգծում են հետագա էսկալացիայի ահռելի վտանգը։ Պետությունները «խաղում են» իրական աղետի հետ»,— իր տեսաուղերձում ասել է Տյուրկը։
Իրանի վերջին հրթիռային հարվածն ուղղված է եղել Դիմոնա քաղաքին, որը գտնվում է Իսրայելի միջուկային հետազոտությունների կենտրոնից մոտ 9 կիլոմետր հեռավորության վրա։ Միևնույն ժամանակ, ԱՄՆ-ն և Իսրայելը բազմիցս հարվածներ են հասցրել Բուշերի տարածքին։
