Մարտի 24-ի ցերեկը ռուսական ուժերը անօդաչու թռչող սարքով հարված են հասցրել Լվովի կենտրոնին: Հարձակման հետևանքով տուժել են օբյեկտներ, որոնք ներառված են ՅՈՒՆԵՍԿՕ-ի Համաշխարհային ժառանգության ցանկում: Այս մասին հայտնել են Մարզային ռազմական վարչակազմի ղեկավար Մաքսիմ Կոզիցկին և քաղաքապետ Անդրեյ Սադովին, հայտնում է Ռուբրիկա-ն:
Միևնույն ժամանակ, Սադովին տեղեկացրել է, որ ռուսական հարձակման հետևանքով Լվովի կենտրոնում վնասվել է բնակելի շենք: Քաղաքապետը հավելել է, որ բոլոր ծառայությունները մեկնել են դեպքի վայր: Բացի այդ, նա ընդգծել է, որ վտանգը մնում է շատ բարձր և կոչ է արել քաղաքացիներին մնալ ապաստարաններում՝ հայտնելով, որ քաղաքի ուղղությամբ թռչում է ևս մեկ անօդաչու սարք:
Ավելի ուշ Կոզիցկին հայտնել է, որ առնվազն երկու մարդ ծանր վիրավորվել է: Իր հերթին քաղաքապետ Սադովին տեղեկացրել է ԱԹՍ-ի ևս մեկ հարվածի մասին՝ այս անգամ Լվովի Սիխովսկի թաղամասում՝ Չերվոնայա Կալինայի պողոտայի բնակելի շենքերից մեկում, ինչի հետևանքով բազմահարկ շենքում հրդեհ է բռնկվել: Բացի այդ, արձանագրվել է հարվածի երրորդ տեղանքը՝ Բանդերայի փողոցի սկզբնամասում: Ըստ Սադովիի նախնական տեղեկությունների՝ դրանք եղել են ԱԹՍ-ի բեկորներ:
