Իրանի զինվորականները հարձակվել են Իսրայելի տարբեր քաղաքների թիրախների, ինչպես նաև Մերձավոր Արևելքում ԱՄՆ-ի մի շարք ռազմաբազաների վրա: Այս մասին հայտնել է Իրանի Իսլամական հեղափոխության պահապանների կորպուսը:
«Այս ալիքի ընթացքում ճշգրիտ հարվածների տակ են հայտնվել թիրախներ Էյլաթում, Դիմոնայում, Թել Ավիվի հյուսիսում, ինչպես նաև տարածաշրջանում ամերիկյան բանակի որոշ բազաներ»,- ասվում է ԻՀՊԿ հայտարարության մեջ։
Պահապանների կորպուսը հստակեցրել է, որ սա «Ճշմարիտ խոստում 4» գործողության 78-րդ ալիքն էր, որի ընթացքում հարվածների համար օգտագործվել են «Էմադ» և «Ղադր» տիպի բալիստիկ հրթիռներ ու անօդաչու թռչող սարքեր:
Այնուհետև ԻՀՊԿ-ն հայտնել է հարվածների 79-րդ ալիքի մասին՝ հայտարարելով, որ գրոհել են Իսրայելի հետախուզական կետերը Թել Ավիվի հյուսիսային և կենտրոնական հատվածներում, Իսրայելի բանակի աջակցման կենտրոնները Ռամաթ Գանում և Նեգևում, ինչպես նաև ռազմական լոգիստիկ կենտրոնները Բեեր Շևայում:
