«Բարսելոնայի» գլխավոր մարզիչ Հանս-Դիտեր Ֆլիկն արժանացել է Իսպանիայի Լա Լիգայի՝ ամսվա լավագույն մարզչի կոչմանը։
Գերմանացի մասնագետի գլխավորությամբ կատալոնական թիմը մարտ ամսին անցկացրած խաղերում երեք հաղթանակ է տոնել՝ առավելության հասնելով Բիլբաոյի «Ատլետիկի» (1:0), «Սևիլիայի» (5:2) և «Ռայո Վալեկանոյի» (1:0) նկատմամբ։
Եզրափակիչ քվեարկության արդյունքներով՝ 61-ամյա մարզիչը շրջանցել է Մադրիդի «Ատլետիկոյի» ղեկավար Դիեգո Սիմեոնեին (2 հաղթանակ, 1 պարտություն) և «Լևանտեն» գլխավորող Լուիշ Կաշտրուին (1 հաղթանակ, 2 ոչ-ոքի):
Նշենք, որ Իսպանիայի առաջնության 29 տուրերից հետո «Բարսելոնան» 73 միավորով գլխավորում է մրցաշարային աղյուսակը։ Երկրորդ հորիզոնականում ընթացող Մադրիդի «Ռեալի» նկատմամբ կատալոնացիների առավելությունը կազմում է 4 միավոր։
