ՄԱԿ-ի գլխավոր քարտուղար Անտոնիո Գուտերեշը ժամանել է Կազան՝ մասնակցելու BRICS-ի գագաթնաժողովին, հայտնում է Թաթարստանի խորհրդարանի մամուլի ծառայությունը։
BRICS-ի գագաթնաժողովին Գուտերեշի մասնակցության մասին տեղեկությունը հայտնվեց հոկտեմբերի սկզբին, սակայն պաշտոնապես հաստատվեց միայն նախօրեին։
Գուտերեշի ներկայացուցիչ Ֆարհան Հաքն ասել է, որ ՄԱԿ-ի գլխավոր քարտուղարը կվերահաստատի «Ուկրաինայի հարցում իր հայտնի դիրքորոշումը»՝ շեշտելով՝ ճգնաժամը պետք է լուծել միջազգային իրավունքի, ՄԱԿ-ի կանոնադրություն և բանաձևերի հիման վրա։
Գուտերեշը բազմիցս քննադատել է Ռուսաստանի ագրեսիան Ուկրաինայում՝ պնդելով, որ Ռուսաստանի սանձազերծած պատերազմը «վտանգավոր նախադեպ» է ստեղծում աշխարհի համար։
Գուտերեշն, ըստ Հաքի, «կշարունակի ջանքերը» Սև ծովում անվտանգ նավարկությունը վերականգնելու ուղղությամբ։
