Իսրայելի ռազմաօդային ուժերը, ենթադրաբար, Թեհրանի Մեհրաբադ օդանավակայանում գիշերը տեղի ունեցած հարձակման ժամանակ ոչնչացրել են Իրանի գերագույն առաջնորդ Ալի Խամենեիի կողմից օգտագործվող ինքնաթիռը։
Այս մասին հայտնել է Իսրայելի պաշտպանության ուժերի (IDF) մամուլի ծառայությունը։
Իսրայելական զինվորականների տվյալներով՝ ոչնչացված ինքնաթիռն օգտագործվել է ոչ միայն Իսլամական Հանրապետության ղեկավարի, այլև այլ բարձրաստիճան պաշտոնյաների և ռազմական ղեկավարության կողմից։
IDF-ը նշել է, որ ինքնաթիռն օգտագործվել է ներքին և միջազգային թռիչքների համար՝ նպաստելով ռազմական գնումներին և համակարգելով բարեկամ պետությունների հետ գործողությունները։
«Արդյունքում ռեժիմի ևս մեկ ռազմավարական ակտիվ է թուլացել»,- ասվում է IDF-ի հայտարարության մեջ։
Ավելի վաղ «Ալ Հադաթը» հայտնել էր, որ ինքնաթիռը հրդեհվել է Թեհրանի Մեհրաբադ միջազգային օդանավակայանում Իրանի մայրաքաղաքի վրա հարվածներից հետո։
