Իրանի հարստացված ուրանի պաշարները ԱՄՆ կողմից ոչնչացված միջուկային օբյեկտների փլատակներում են և կարող են հանվել ԱԷՄԳ հսկողության ներքո, սակայն այս պահին նման ծրագրեր չկան։ Հայտարարել է Իրանի արտգործնախարար Աբբաս Արաղչին։
«Մեր միջուկային օբյեկտները ենթարկվել են հարձակման, և ամեն ինչ փլատակներում է։ Իհարկե, կա նյութերը դուրս բերելու հնարավորություն, բայց գործակալության հսկողության ներքո։ Եթե մենք երբևէ որոշենք դա անել, դա կարվի գործակալության հսկողության ներքո։
Այս պահին մենք չունենք ոչ մի ծրագիր ուրանը փլատակներից դուրս բերելու համար»,- ասել է Արաղչին CBS-ին տված հարցազրույցում։
