Եվրամիությունը սպասում է Ադրբեջանի և Հայաստանի միջև խաղաղության համաձայնագրի շուտափույթ ստորագրման, ըստ ադրբեջանական լրատվամիջոցների, հայտարարել է ԵՄ արտգործնախարար Կայա Կալլասը։
«Ադրբեջանն ու Հայաստանը շատ մոտ են համաձայնության։ Կարծում եմ, նրանց կողմից խաղաղ համաձայնագրի ստորագրմամբ բոլորն են շահագրգռված», — ասել է Կալլասը։
Պաշտոնական Բաքուն և Երևանը մարտի 13-ին հայտարարեցին խաղաղության համաձայնագրի վրա աշխատանքներն ավարտելու մասին։ Երևանը համաձայնագիրը ստորագրելու պատրաստակամություն է հայտնում, Բաքուն՝ պայմաններ առաջ քաշում՝ «Ադրբեջանի նկատմամբ տարածքային նկրտումներ պարունակող» Հայաստանի Սահմանադրության փոփոխություն, Ղարաբաղյան հարցով տարիներ շարունակ զբաղված ԵԱՀԿ Մինսկի խմբի լուծարում։
