Իսրայելի պաշտպանության ուժերի գլխավոր հրամանատար, գեներալ-լեյտենանտ Էյալ Զամիրը հինգշաբթի հայտարարել է, որ Իրանի դեմ ամերիկաիսրայելական շարունակվող արշավի ընթացքում ոչնչացվել է Իրանի բալիստիկ հրթիռների արձակման կայանների ավելի քան 60%-ը և ՀՕՊ համակարգերի 80%-ը, հաղորդում է AFP-ն։
«Մենք չեզոքացրել և ոչնչացրել ենք Իրանի բալիստիկ հրթիռների արձակման կայանների ավելի քան 60%-ը»,- ասել է Զամիրը հեռուստատեսային հայտարարության մեջ։
Նա հավելել է, որ Իսրայելը նաև ոչնչացրել է Իրանի ՀՕՊ համակարգերի 80%-ը և «գրեթե լիակատար օդային գերազանցության է հասել Իրանի նկատմամբ»։
