ՀՀ գլխավոր դատախազ Աննա Վարդապետյանը հեռացել է Ազգային ժողովից՝ անպատասխան թողնելով լրագրողների հարցերը։
«Ընդդիմությունն ասում է՝ դուք ընտրովի արդարադատություն եք իրականացնում, հնարավո՞ր է դրա համար եք խուսափում լրագրողների հետ շփվելուց»,–դիմելով գլխավոր դատախազին՝ ազաց լրագրողներից մեկը։ Վարդապետյանն անպատասխան թողեց նաև այդ հարցը։
Վարդապետյանը թիկնապահների ուղեկցությամբ հեռացավ Ազգային ժողովից, որտեղ եկել էր՝ Դատախազության տարեկան հաշվետվությունը ներկայացնելու։
Նշենք, որ Աննա Վարդապետյանը նաև ԱԺ–ի մուտքի մոտ էր հրաժարվել պատասխանել լրագրողների հարցերին։ NEWS.am–ի թղթակիցը մուտքի մոտ հարց էր ուղղել Վարդապետյանին՝ հաշվետու՞ չէ նա հանրության առաջ։ Վարդապետյանն այդ հարցին ևս չէր պատասխանել։
