Արաբական Միացյալ Էմիրությունների (ԱՄԷ) Ներքին գործերի նախարարությունը արտակարգ դրություն է հայտարարել ամբողջ երկրում, հաղորդում է BBC News-ը։ Նախարարությունը զգուշացրել է հրթիռային սպառնալիքների մասին և բնակիչներին կոչ է արել անհապաղ ապաստան գտնելու մոտակա անվտանգ շենքերում։
Բնակիչներին նաև խորհուրդ է տրվել խուսափել պատուհաններից, դռներից և բաց տարածքներից։ Ավելի վաղ ԱՄԷ պաշտպանության նախարարությունը հայտարարել էր, որ արձագանքում է Իրանից եկող հրթիռային և անօդաչու թռչող սարքերի սպառնալիքներին։ ԱՄԷ-ն հայտարարել է, որ այսօր որսացել է վեց իրանական հրթիռ և 131 անօդաչու թռչող սարք։
