ՌԴ նախագահ Վլադիմիր Պուտինը հեռախոսազրույց է ունեցել Իրանի նախագահ Մասուդ Փեզեշքիանի հետ։ Այս մասին հայտնում են Կրեմլից։
Զրույցի ընթացքում Պուտինը ևս մեկ անգամ ցավակցություն է հայտնել Ալի Խամենեիի, նրա ընտանիքի անդամների և երկրի ռազմաքաղաքական ղեկավարության ներկայացուցիչների սպանության, ինչպես նաև խաղաղ բնակչության շրջանում զոհերի կապակցությամբ: ՌԴ նախագահը վերահաստատել է Ռուսաստանի սկզբունքային դիրքորոշումը ռազմական գործողությունների անհապաղ դադարեցման անհրաժեշտության վերաբերյալ։
Պուտինը հայտնել է, որ մշտական կապի մեջ է Պարսից ծոցի երկրների ղեկավարների հետ։
Նա հավելել է, որ կշարունակվեն իրանական կողմի հետ շփումները տարբեր խողովակներով։
Մասուդ Փեզեշքիանը երախտագիտություն է հայտնել Իրանի ժողովրդի հետ Ռուսաստանի համերաշխության համար և տեղեկացրել Իրանում իրավիճակի զարգացման մասին:
ԱՄՆ-ը ցանկանում է, որ Շրի Լանկան Dena ֆրեգատի նավաստիներին Իրան չվերադարձնի
7 Մարտի 2026
10:45
