Միացյալ Նահանգները Իրանի դեմ օգտագործել է զենք, որը պահվել է Երրորդ համաշխարհային պատերազմի համար, հայտարարել է Իրանի զինված ուժերի գլխավոր շտաբի պաշտոնական ներկայացուցիչ Աբոլֆազլ Շեքարչին։
«Ամերիկացիները փորձարկել են իրենց բոլոր զենքերը և նույնիսկ իրենց պահուստներից հանել են Երրորդ համաշխարհային պատերազմի համար պահված զենքերը, և այժմ դրանք օգտագործում են մեր դեմ», — ասել է Շեքարչին՝ հաղորդում է իրանական Fars գործակալությունը։
Նա նշել է նաև, որ Իրանն անպայման ավելի առաջադեմ զենք կօգտագործի ԱՄՆ-ի և Իսրայելի դեմ՝ շեշտելով, որ իրանական բանակը «բարի լուր» կբերի իրանցի ժողովրդին։ Այդ կապակցությամբ Շեքարչին հիշատակել է «ինչ-որ միջադեպ», որը տեղի է ունեցել ուրբաթ օրը Բահրեյնի ամերիկյան բազայում, որն, ըստ նրա, առաջիկա օրերին կհրապարակվի բոլոր լրատվամիջոցներում։
