Եթե Հայաստանը բախվում է անվտանգության հսկայական խնդիրների, եթե Մեղրին սպառնալիքի տակ է, եթե Բաքուն քննարկում է Հայաստանի ինքնիշխան տարածքով անցնող ճանապարհի կիլոմետրաժըը, արդյո՞ք պետք է ես լրջորեն մտահոգված լինեմ, որ Հայաստանը, Աստված մի արասցե, կարող է փոքրանալ մինչեւ Երեւանի Կենտրոն վարչական շրջանի կամ նույնիսկ հենց Երեւանի չափով։ Այս մասին մարտի 6-ին Ազգային ժողովում ավանդական ճեպազրույցների ժամանակ հայտնել է Հանրապետական կուսակցության անդամ, ընդդիմադիր պատգամավոր Հայկ Մամիջանյանը՝ քննադատելով Հայաստանի ներկայիս կառավարության արտաքին քաղաքականությունը։
«Արդյո՞ք ես կամ մեր քաղաքական ուժը պետք է մտածենք այն մասին, որ դառնանք այս փոքր տարածքի առաջին քաղաքական ուժը»,- ասել է Մամիջանյանը։
