Ֆրանսիայի կողմից Հայաստանին մահաբեր զենքի մատակարարումները և նրա երկարամյա հակաադրբեջանական դիրքորոշումը, որը չի ծառայում խաղաղությանը, չեն համընկնում ԱԳ նախարար Ժան-Նոել Բարրոյի արտահայտած մտահոգությունների հետ, որոնք վերաբերում են տարածաշրջանում լարվածության առաջացմանը: Այս մասին X-ի իր էջում հայտարարել է Ադրբեջանի ԱԳՆ պաշտոնական ներկայացուցիչ Այխան Հաջիզադեն։
«Թեև խաղաղության համաձայնագրի վրա աշխատանքի ավարտը կարևոր իրադարձություն է, դրա ստորագրումը և տարածաշրջանում կայուն խաղաղության հասնելը պահանջում են Հայաստանի Սահմանադրության մեջ Ադրբեջանի նկատմամբ տարածքային պահանջների վերացում և մասնավորապես, Ֆրանսիայի կողմից արտաքին միջամտության դադարեցում, որը նպաստում է տարածաշրջանում իրավիճակի ապակայունացմանը: Ավելին, մարդկության դեմ հանցագործությունների մեջ մեղադրվող անձանց գործերով դատաքննության համար խոչընդոտներ ստեղծելը ոչ միայն խոչընդոտում է այդ գործերի կատարմանը, այլև խաթարում է կատարված հանցագործությունների համար պատասխանատվության հարցը», — գրել է նա։
Հավելենք, որ Ադրբեջանի ԱԳՆ պաշտոնական ներկայացուցիչը ի պատասխան Ֆրանսիայի ԱԳ նախարարի հայտարարությանը նշել էր, որ նման երկակի մոտեցումը բացահայտում է Ֆրանսիայի կեղծավորությունը։
