Հորմուզի նեղուցը փակվել է ոչ թե Թեհրանի սեփական կամքով, այլ ինքնապաշտպանության նկատառումներից ելնելով։ Դրա մասին հայտարարել է Իրանի մեջլիսի (խորհրդարանի) խոսնակ Մոհամմադ Բաղեր Ղալիբաֆը։
«Եթե Հորմուզի նեղուցն այսօր փակ է, դրա պատճառն այն չէ, որ Իրանն ինքն է որոշել այն փակել, այլ որովհետև մենք պետք է պաշտպանվենք»,- հայտարարել է խորհրդարանի նախագահը։
Ըստ քաղաքական գործչի՝ Իրանի դեմ Իսրայելի և ԱՄՆ-ի ագրեսիայի պատճառով «Հորմուզի նեղուցը չի կարող մնալ իր նախկին վիճակում՝ ո՛չ իրավական, ո՛չ էլ նավագնացության տեսանկյունից, քանի որ այն այլևս անվտանգության նախկին մակարդակից չի օգտվում»։
