Ադրբեջանի նախագահ Իլհամ Ալիևի հանձնարարությամբ Իրան է ուղարկվել հումանիտար օգնության հերթական խմբաքանակը, հայտնում են ադրբեջանական ԶԼՄ-ները:
Հաղորդագրության համաձայն՝ օգնությունը կազմակերպվել է մարտի 8-ին նախագահ Իլհամ Ալիևի և Իրանի նախագահ Մասուդ Փեզեշքիանի միջև կայացած հեռախոսազրույցից հետո:
Հումանիտար օգնության ընդհանուր ծավալը կազմում է 82 տոննա, այդ թվում՝ 76 տոննա սննդամթերք, 4 տոննա դեղագործական արտադրանք և 2 տոննա բժշկական սարքավորումներ:
Օգնությունն ուղարկվել է հինգ բեռնատարով:
«Բացի այդ, Նովրուզի տոնի կապակցությամբ շարասյան կազմում ներառվել են նաև տոնական հավաքածուներ և տոնի հետ կապված տարբեր ապրանքներ: Հումանիտար շարասյունն ուղեկցում են Ադրբեջանի նախարարների կաբինետի, արտաքին գործերի նախարարության և պետական պահուստների գործակալության լիազոր ներկայացուցիչները, որոնք մեկնել են Իրան՝ օգնությունը վերահսկելու համար»,- ասված է ադրբեջանական ԶԼՄ-ների հաղորդագրության մեջ:
