Չինաստանը որոշել է արտակարգ մարդասիրական օգնություն տրամադրել Իրանին, Հորդանանին, Լիբանանին և Իրաքին՝ հույս ունենալով, որ դա կօգնի մեղմել տեղի բնակիչների առջև ծառացած ծանր մարդասիրական իրավիճակը: Որոշման մասին հայտնել է Չինաստանի ԱԳՆ պաշտոնական ներկայացուցիչ Լին Ծյանը, հաղորդում է «Սինհուա» գործակալությունը։
«Շարունակվող հակամարտությունը լուրջ մարդասիրական աղետներ է ստեղծել Իրանի և տարածաշրջանի այլ երկրների ժողովուրդների համար։ Չինաստանը խոր համակրանք և բարոյական աջակցություն է հայտնում համապատսախան երկրների ժողովուրդներին»,- ասել է դիվանագետը։
Դիվանագետը հավելել է, որ Չինաստանը կշարունակի անել ամեն ինչ՝ խաղաղությունը և հրադադարը խթանելու, տարածաշրջանային խաղաղության և կայունության շուտափույթ վերականգնումն ապահովելու և մարդասիրական ճգնաժամի հետագա տարածումը կանխելու համար։
