Հնդկական չորս նավթավերամշակման գործարաններ, որոնք սովորաբար գնում են ռուսական նավթ՝ արդեն մոտ մեկ շաբաթ չեն պատվիրել որևէ տեսակի նավթ, Reuters-ին հայտնել են գնումների ծրագրերին ծանոթ չորս աղբյուրներ։
Նրանց տվյալներով՝ այս ընկերությունները այլընտրանքային մատակարարումներ ապահովելու նպատակով դիմել են սփոթ շուկային՝ հիմնականում ընտրելով Մերձավոր Արևելքի և Արևմտյան Աֆրիկայի նավթի տեսակները։
Հնդկաստանում ռուսական նավթի խոշորագույն գնորդները մնում են մասնավոր վերամշակման գործարանները՝ Reliance Industries-ը և Nayara Energy-ն: Այնուամենայնիվ գործակալությունը նշում է, որ պետական վերամշակման գործարանները կազմում են Հնդկաստանի ընդհանուր վերամշակման հզորության ավելի քան 60%-ը, որը կազմում է օրական 5,2 միլիոն բարել:
Հուլիսի 14-ին ԱՄՆ նախագահ Դոնալդ Թրամփը սպառնացել է 100 տոկոսանոց մաքսատուրքեր սահմանել ռուսական նավթ գնող երկրների վրա, եթե Մոսկվան խաղաղության լուրջ համաձայնագիր չկնքի Ուկրաինայի հետ։
