ԱՄՆ-ն դադարեցրել է Ուկրաինային որոշ զենիթային հրթիռների և այլ ճշգրիտ կառավարվող զինամթերքի մատակարարումը՝ Պենտագոնի պաշարների չափազանց կրճատման մասին մտահոգությունների պատճառով, գրում է Politico-ն։
Որոշումը կայացվել է ԱՄՆ ռազմական գերատեսչության քաղաքական բաժնի ղեկավար Էլբրիջ Քոլբիի նախաձեռնությամբ՝ մնացած պաշարները ստուգելուց հետո, հաղորդում է BBC-ն։
ԱՄՆ նախկին նախագահ Ջո Բայդենի վարչակազմի կողմից խոստացված օգնության մի մասը կասեցնելու որոշումը կայացվել է հունիսի սկզբին, սակայն այն ուժի մեջ է մտել միայն հիմա՝ այն ժամանակ, երբ Կիևը հետ է մղում քաղաքացիական թիրախների վրա ռուսական զանգվածային հարվածները, գրում է Politico-ն։
Սպիտակ տան մամուլի քարտուղարի տեղակալ Աննա Քելլին ասել է, որ որոշումը «կայացվել է Ամերիկայի շահերը առաջնային դասելու համար, քանի որ Պաշտպանության նախարարությունը վերանայում է մեր երկրի ռազմական աջակցությունն ու օգնությունը աշխարհի այլ երկրներին»։ «ԱՄՆ զինված ուժերի ուժը մնում է անհերքելի՝ պարզապես հարցրեք Իրանից», — մեջբերում է հրատարակությունը նրա խոսքերը։
