ԱՄՆ նախագահ Դոնալդ Թրամփը Ֆլորիդայում բացել է անօրինական ներգաղթյալների համար նախատեսված նոր կալանավայր, որը ոչ պաշտոնական շրջանակներում արդեն ստացել է «Ալկատրաս՝ ալիգատորներով» անվանումը։ Դրա մասին հայտնել է Fox News հեռուստաալիքը։
Աղբյուրի տվյալներով՝ նոր հաստատությունը նախատեսված է 3000 մարդու համար և կդառնա երկրում ամենախոշոր նմանատիպ հաստատությունը։ Թրամփը հայտարարել է, որ սա այն վայրն է, որտեղ կգտնվեն «ամռավել վտանգավոր» անօրինական ներգաղթյալները։ Նա միաժամանակ ընդգծել է, որ կենտրոնը կառուցվել է ընդամենը մեկ շաբաթում։
«Այդ համալիրը շրջապատված է ալիգատորներով լի ճահիճներով։ Այստեղից դուրս գալու միակ ճանապարհն աքսորն է», -հայտարարել է Թրամփը՝ տարածքը զննելիս։
Ինչպես նշում է Daily Mail-ը, Թրամփը կատակով անօրինական ներգաղթյալներին առաջարկել է ալիգատորներից փախչելու միջոց, եթե նրանք փորձեն փախչել կենտրոնից։
Ամերիկացի առաջնորդի՝ ճահճով շրջապատված կենտրոնից փախչելու միակ ճանապարհը շարժման անսովոր հետագիծ ընտրելն է։ «Եթե վազում եք կորով, ալիգատորից խուսափելու ձեր հնարավորությունները մեծանում են մոտ մեկ տոկոսով։ Պա՞րզ է։ Միայն մեկ տոկոսով: Այնպես որ դա այնքան էլ հուսադրող քայլ չէ», -նշել է Թրամփը՝ խոսելիս օդում ոլորապտույտ գիծ գծելով։
Ավելի վաղ ամերիկյան իշխանությունները հայտարարել էին, որ կենտրոնը նախատեսված է ամենավտանգավոր ներգաղթյալների ժամանակավոր կալանքի համար։
