«Բարսելոնան» իր պաշտոնական կայքում հանդես է եկել հայտարարությամբ՝ կապված թիմի կիսապաշտպան Ֆրենկի դե Յոնգի առողջական վիճակի հետ։ Նիդերլանդցի ֆուտբոլիստը վնասվածք է ստացել այսօր՝ փետրվարի 26-ին կայացած մարզման ժամանակ։
Բժշկական հետազոտության արդյունքում 28-ամյա դե Յոնգի մոտ ախտորոշվել է աջ ազդրի հետին մկանի պատռվածք:
«Ապաքինման համար կպահանջվի հինգից վեց շաբաթ»,- նշված է «կապտանռնագույնների» տարածած հաղորդագրության մեջ։
Այսպիսով, սպասվում է, որ Ֆրենկին շարք կվերադառնա միայն ապրիլի առաջին կեսին։ Նիդերլանդցին ստիպված կլինի բաց թողնել թիմի առաջիկա հանդիպումները, այդ թվում՝ Չեմպիոնների լիգայի 1/8 եզրափակչի երկու կարևորագույն խաղերը։
Նշենք, որ ընթացիկ մրցաշրջանում կիսապաշտպանը մասնակցել է 31 հանդիպման՝ դառնալով 1 գոլի և 7 արդյունավետ փոխանցման հեղինակ։
