Ադրբեջանա-ռուսական միջկառավարական հանձնաժողովի անդամները ստուգել են Հորադիզ-Ագբենդ ճանապարհի և երկաթուղու շինարարությունը, որը այսպես կոչված «Զանգեզուրի միջանցքի» մաս է կազմում, հաղորդում են ադրբեջանական լրատվամիջոցները ։
Պատվիրակությունն այցելել է Արաքս գետի վրայով անցնող կամուրջը Աղբենդ գյուղում և տեղեկություններ ստացել նախագծի ընթացքի մասին։
Ադրբեջանի փոխվարչապետ Շահին Մուստաֆաևը հայտարարել է, որ Աղբենդ գյուղում կամուրջն արդեն ավարտված է և շուտով շահագործման կհանձնվի։
«Ներկայում երկու կողմերում էլ սահմանային անցակետի շինարարություն է ընթանում, որը ևս շուտով շահագործման կհանձնվի»,- ասել է Մուստաֆաևը։
