Նեթանյահուն Իրանի առաջնորդներին զգուշացրել է «անհավանական» հակահարվածի մասին, եթե նրանք հարձակվեն Իսրայելի վրա։
Իսրայելի վարչապետը զգուշացրել է, որ Թեհրանի այաթոլլաները «կհանդիպեն այնպիսի պատասխանի, որը նույնիսկ չեն կարող պատկերացնել», եթե հարձակվեն Իսրայելի վրա։
«Մենք պատրաստ ենք ցանկացած սցենարի։ Եվ մեկ բան հաստատ է. եթե այաթոլլաները սխալ թույլ տան և հարձակվեն մեզ վրա, նրանք կհանդիպեն այնպիսի պատասխանի, որը նույնիսկ չեն կարող պատկերացնել», — ասել է Նեթանյահուն Իսրայելի ռազմական կուրսանտների ավարտական արարողության ժամանակ։
Իսրայելի վարչապետը հայտարարել է, որ իր երկիրը «աշխատում է իր գլխավոր դաշնակցի՝ Միացյալ Նահանգների հետ կողք կողքի»՝ Իսլամական Հանրապետության կողմից ներկայացվող սպառնալիքին հակազդելու համար։
