Իտալիայում տեղի է ունեցել կանխիկ գումար փոխանցող ինկասատորի միկրոավտոբուսի հանդուգն կողոպուտ, որը հոլիվուդյան մարտաֆիլմի տեսարան է հիշեցրել։
SHOT թելեգրամյան ալիքի տվյալներով՝ միջադեպը տեղի է ունեցել երկրի հարավի Ապուլիա շրջանի մայրուղիներից մեկում։ Ոստիկան ներկայացած ութ զինված հանցագործներ թարթող լույսերով ավտոմեքենայով ուղեկցել են կանխիկ գումար փոխադրող զրահապատ միկրոավտոբուսին։ Մի պահ նրանք փակել են ճանապարհը և պայթուցիկներով պայթեցրել են միկրոավտոբուսի դուռը։
Կարաբինիներն արագ ժամանել են հանցանքի վայր, նրանց և ավազակների միջև փոխհրաձգություն է սկսվել։ Երկու կասկածյալ ձերբակալվել է, իսկ մյուսներին հաջողվել է փախուստի դիմել։ Փախուստի ժամանակ հանցագործները պատահական վարորդներից մի քանի ավտոմեքենա են առևանգել։
Ոստիկանությունը հետաքննություն է վարում, պարզում է միջադեպի բոլոր հանգամանքները և փնտրում է փախուստի դիմած հանցագորներին։
