«Կամք» նախաձեռնության ղեկավար և ակտիվիստ Վահագն Չախալյանին 2 ամսով կալանավորել են։ Այս մասին հայտնել է նրա որդին` Ռուբեն Չախալյանը։
Հիշեցնենք, որ երեկ ՔԿ-ից հայտնել էին, որ Վահագն Չախալյանը ձերբակալվել է։
««Սրբազան պայքար» անվանումով շարժման ղեկավարների և մասնակիցների կողմից ահաբեկչության և իշխանությունը յուրացնելու նախապատրաստություն կատարելու վերաբերյալ քրեական վարույթով քննիչի միջնորդության հիման վրա կայացված դատախազի որոշմամբ ՀՀ քրեական օրենսգրքի 43-419–րդ հոդվածի 1–ին մասով և 43-308–րդ հոդվածի 1–ին մասով քրեական հետապնդում է հարուցվել Վ. Չ.-ի նկատմամբ»։
