Անկարան որևէ մեկին թույլ չի տա Իրանում քաղաքացիական պատերազմ հրահրել:
Այս մասին հայտարարել է Թուրքիայի արտգործնախարար Հաքան Ֆիդանը։
«Մենք տեսնում ենք, որ Իրանի համար անջատողական սցենարներ են մշակվում: Մենք լիովին դեմ ենք Իրանում քաղաքացիական պատերազմ հրահրելուն՝ ուղղված որևէ ծրագրի: Մենք թույլ չենք տա, որ նման սխալ քայլ կատարվի։
Տարածման վտանգը դեռևս շարունակվում է։ Այս պատերազմը պետք է հնարավորինս շուտ ավարտվի։ Որևէ հարց չպետք է առաջանա Իրանի տարածքային ամբողջականության հետ կապված։ Չպետք է հետապնդվեն ռեժիմի փոփոխության նպատակներ։ Տարածաշրջանը պետք է հնարավորինս շուտ վերադառնա բնականոն հուն»,- ասել է Թուրքիայի արտաքին գործերի նախարարը։
