Ռուսաստանի նախագահի ներդրումների և արտասահմանյան երկրների հետ տնտեսական համագործակցության հարցերով հատուկ ներկայացուցիչ Կիրիլ Դմիտրիևը հանդիպումներ է անցկացնում ԱՄՆ վարչակազմի պաշտոնյաների հետ Ֆլորիդայում։ Հանդիպումների մասին հաղորդում է Reuters-ը՝ հղում անելով աղբյուրներին։
Աղբյուրների տվյալներով՝ բանակցությունները տեղի են ունենում տնտեսական հարցերով ռուս-ամերիկյան աշխատանքային խմբի շրջանակում։ Երկու կողմերի մասնակիցների ցուցակը չի հրապարակվում։
Բանակցություններին ծանոթ ТАСС-ի աղբյուրը նույնպես հաստատել է Դմիտրիևի հանդիպումները։
Դմիտրիևը մարտի 7-ին հայտնել է, որ Մոսկվան և Վաշինգտոնը ներկայում քննարկում են ռուսական նավթի մատակարարման սահմանափակումների մեղմացումը։ Նա դրա մասին գրել է իր բլոգում, երբ ԱՄՆ ֆինանսների նախարար Սքոթ Բեսենթը Fox Business-ի եթերում չի բացառել, որ Վաշինգտոնը կարող է մեղմացնել մատակարարման սահմանափակումները։
