Օհայո նահանգում մարտի 11-ին իրեն ուղեկցող լրագրողների հետ խոսելիս նախագահ Դոնալդ Թրամփը հայտարարել է, որ Իրանի հետ պատերազմը և՛ պատերազմ է, և՛ «էքսկուրսիա», գրում է CNN-ը:
«Դուք հենց նոր ասացիք, որ դա փոքրիկ Էքսկուրսիա էր, իսկ հետո ասացիք, որ դա պատերազմ է։ Ուրեմն ի՞նչ է»,- հարցրել է լրագրողներից մեկը։
«Դե, և՛ մեկը, և՛ մյուսը»,- պատասխանել է նախագահը։
«Դա Էքսկուրսիա է, որը մեզ հնարավորություն կտա խուսափել պատերազմից, իսկ պատերազմ կլինի… նրանց համար դա պատերազմ է։ Մեզ համար դա ավելի հեշտ ստացվեց, քան կարծում էինք»,- շարունակել է Թրամփը։
«Վերջին օրերին նախագահը հակասական կանխատեսումներ է արել հակամարտության ժամկետների վերաբերյալ։ Երկուշաբթի Ներկայացուցիչների պալատի հանրապետականների հետ խոսելիս նա քարոզարշավն անվանել է «փոքրիկ Էքսկուրսիա», իսկ ավելի ուշ խոստացել է «առաջ շարժվել ավելի վճռականորեն, քան երբևէ՝ վերջնական հաղթանակի հասնելու համար»,- հաղորդում է CNN-ը։
