Ռուսաստանը մինչ այժմ եղել է Մերձավոր Արևելքի պատերազմի միակ հաղթողը, քանի որ էներգակիրների գները բարձրանում են, իսկ Ուկրաինայի դեմ նրա պատերազմի նկատմամբ ուշադրությունը մարել է, երեքշաբթի օրը հայտարարել է Եվրոպական խորհրդի նախագահ Անտոնիու Կոշտան, հաղորդում է Ռոյթերս-ը։
«Մինչ այժմ այս պատերազմում կա միայն մեկ հաղթող՝ Ռուսաստանը», — ասել է Կոշտան Բրյուսելում ԵՄ դեսպանների առջև ունեցած ելույթում:
«Նա նոր ռեսուրսներ է ձեռք բերում Ուկրաինայի դեմ իր պատերազմը ֆինանսավորելու համար, քանի որ էներգակիրների գները աճում են: Նա շահում է ռազմական կարողությունների շեղումից, որոնք հակառակ դեպքում կարող էին ուղարկվել Ուկրաինային աջակցելու համար: Եվ նա օգուտ է քաղում ուկրաինական ճակատի նկատմամբ նվազած ուշադրությունից, քանի որ Մերձավոր Արևելքի հակամարտությունը հայտնվում է կենտրոնում»,- ասել է Եվրոպական խորհրդի նախագահը։
