Աշխատանքի և սոցիալական հարցերի նախարար Արսեն Թորոսյանը սոցցանի իր էջում տեսանյութ է հրապարակել՝ պատմելով իր գործընկերներից մեկի՝ բարձրաստիճան պաշտոնյայի հետ տեղի ունեցած մի դեպք, որը և՛ զավեշտալի է, և՛ խոր մտահոգության տեղիք տվող:
Թորոսյանը պատմել է, որ պաշտոնյային տեղեկացրել են միայնակ մի կնոջ սոցիալական բարդ խնդիրների մասին: Պաշտոնյան զանգահարել է, հեռախոսից այն կողմ նրան ներկայացրել են այդ կնոջ ծանր սոցիալական վիճակը, խնդիրները, ու երբ պաշտոնյան հարց է ուղղել, թե ով է իր հետ հեռախոսով խոսում, տղամարդը պատասխանել է՝ միայնակ կնոջ ամուսինը:
