ԱՄՆ նախագահ Դոնալդ Թրամփը երեքշաբթի հայտարարել է, որ ինքն ու առաջին տիկին Մելանյա Թրամփը խորապես ցնցված են Գազայից զանգվածային սովի և թերսնման պատկերներից, հաղորդում է CNN-ը։
«Նա համարում է, որ դա սարսափելի է, — Շոտլանդիայից ԱՄՆ վերադառնալիս Air Force One ինքնաթիռում լրագրողների հետ զրույցում ասել է Թրամփը՝ խոսելով առաջին տիկնոջ մասին։ — Եվ նա տեսնում է նույն պատկերները, ինչ դուք, ինչպես մենք բոլորս։ Եվ ես կարծում եմ, որ բոլորը, եթե նրանք շատ անսիրտ չեն կամ, ավելի վատը՝ խելագար, չեն կարող ոչինչ ասել, բացի նրանից, որ դա սարսափելի է, երբ երեխաներ եք տեսնում։ Եվ այդ երեխաները, գիտեք, անկախ նրանից՝ խոսում են սովի մասին, թե ոչ, նրանք երեխաներ են, որոնք սովամահ են լինում։
Թրամփի մեկնաբանությունները հնչել են Գազայում «սննդի կենտրոններ» ստեղծելու ԱՄՆ ծրագրերի մասին ընդամենը մեկ օր անց հայտարարելուց հետո՝ հրապարակավ մերժելով Իսրայելի վարչապետ Բենիամին Նեթանյահուի այն պնդումը, թե անկլավում սով չկա։
«Այս երեխաները շատ քաղցած տեսք ունեն»,- ասել է Թրամփը։
