Գլխավոր ռազմածովային շքերթը Սանկտ Պետերբուրգում 2025 թվականին չի կայանա, հայտնել է քաղաքային տրանսպորտի կոմիտեն։
«Նավատորմի օրվա տոնակատարությանը նվիրված միջոցառումները Սանկտ Պետերբուրգի ջրերում հուլիսի 27-ին չեն անցկացվի։ Հրավառությունը, գլխավոր ռազմածովային շքերթը, ինչպես նաև առագաստանավային, թիավարող և մոտորանավակների ու ջրային մոտոցիկլետների շարասյուների երթը չեղարկվել են», — ասվում է հայտարարության մեջ։
2017 թվականից ի վեր գլխավոր ռազմածովային շքերթը ամեն տարի անցկացվում է Սանկտ Պետերբուրգում՝ հուլիսի վերջին կիրակի օրը՝ Ռազմածովային ուժերի օրը, նախագահ Պուտինի հրամանագրի համաձայն։ Այս տարի շքերթը չեղարկվել է առաջին անգամ՝ Ուկրաինայի վրա Ռուսաստանի լայնածավալ ներխուժման սկսվելուց ի վեր։
«Ֆոնտանկա»-ի փոխանցմամբ՝ միջոցառումը չեղարկվել է անվտանգության նկատառումներից ելնելով։
