Նավթի գները չորեքշաբթի առավոտյան չափավոր աճում են երեք օր շարունակված նվազումից հետո։
Լոնդոնի ICE Futures բորսայում Brent տեսակի նավթի սեպտեմբերյան ֆյուչերսները թանկացել են 0,32 դոլարով (0,47%)՝ մեկ բարելի դիմաց հասնելով 68,91 դոլարի։ Երեքշաբթի օրը Brent տեսակի նավթի գինը նվազել է 0,62 դոլարով (0,9%)՝ մեկ բարելի դիմաց կազմելով 68,59 դոլար։
Նյու Յորքի ապրանքային բորսայի (NYMEX) էլեկտրոնային առևտրում WTI տեսակի նավթի սեպտեմբերյան ֆյուչերսները թանկացել են 0,29 դոլարով (0,44%)՝ մեկ բարելի դիմաց հասնելով 65,6 դոլարի։ Նախորդ առևտրային նստաշրջանում պայմանագիրը էժանացել է 0,64 դոլարով (1%)՝ մեկ բարելի դիմաց կազմելով 65,31 դոլար։
