Ստամբուլում կայացած IDEF 2025 միջազգային զենքի ցուցահանդեսում ներկայացվել է առաջին թուրքական հիպերձայնային հրթիռը։ Այն անվանվել է Tayfun Block-4, հաղորդում է տեղական Anadolu գործակալությունը։
Tayfun Block-4-ը Թուրքիայի հեռահար բալիստիկ հրթիռի՝ Tayfun հրթիռի արդիականացված տարբերակն է: Նոր հրթիռը, որն ունի բազմաֆունկցիոնալ մարտագլխիկ, կշռում է ավելի քան 7 տոննա և կարող է ոչնչացնել «բազմակի ռազմավարական թիրախներ», այդ թվում՝ հակաօդային պաշտպանության համակարգեր, հրամանատարական կետեր, ռազմական անգարներ և կարևորագույն ռազմական օբյեկտներ, հայտնել է արտադրող Roketsan-ը:
