ԱՄՆ նախագահ Դոնալդ Թրամփը հայտարարել է, որ անհրաժեշտ չի համարում Թեհրանի հետ Իրանի միջուկային ծրագրի շուրջ բանակցությունների հերթական փուլի անհապաղ անցկացումը։
«Նրանք [Իրանի իշխանությունները] ցանկանում են բանակցել։ Ես չեմ շտապում բանակցել, քանի որ մենք ոչնչացրել ենք նրանց [միջուկային] օբյեկտը»,- ասել է նախագահը՝ պատասխանելով լրագրողների հարցերին Վաշինգտոնի մոտ գտնվող Էնդրյուս ռազմական բազայում։
Խոսելով այն հնարավորության մասին, որ Իրանը կարող է վերսկսել միջուկային ծրագրի զարգացումը, Թրամփն ընդգծել է. «Նրանք ստիպված կլինեն ամեն ինչ սկսել զրոյից։ Ավերածություններն այնքան մեծ են, որ այն [օբյեկտը] այլևս հնարավոր չէ օգտագործել։ Նրանք ստիպված կլինեն մեկ այլ լեռ ընտրել»։ Թրամփը չի հստակեցրել, թե Իսլամական Հանրապետության որ օբյեկտն է նկատի ունեցել։ Մասնավորապես, լեռի խորքում է գտնվում Ֆորդոյի իրանական միջուկային օբյեկտը։
Axios պորտալը աղբյուրներին հղում կատարելով տեղեկացրել է, որ ԱՄՆ-ը, Մեծ Բրիտանիան, Գերմանիան և Ֆրանսիան պայմանավորվել են օգոստոսի վերջը սահմանել որպես Իրանի հետ միջուկային գործարք կնքելու վերջնաժամկետ։ Հակառակ դեպքում Թեհրանը «կբախվի կոշտ պատժամիջոցների»։
