ԱՄՆ նախագահ Դոնալդ Թրամփը հայտարարել է, որ չի հետաքննել, թե վարչակազմում ով է ընդունել Ուկրաինային զենքի մատակարարումը դադարեցնելու որոշումը։ Ըստ ТАСС-ի՝ դրա մասին նա հայտարարել է Սպիտակ տանը աֆրիկյան առաջնորդների հետ հանդիպման ժամանակ։
«Ես այս հարցին խորամուխ չեմ եղել։ Ներկայում ուսումնասիրում ենք Ուկրաինայի և զինամթերքին առնչվող իրավիճակը», — նշել է Սպիտակ տան ղեկավարը։ Նա հավելել է, որ ինքը կլինի առաջինը, որին կտեղեկացվի Կիևին զենքի մատակարարման վերաբերյալ ցանկացած որոշման մասին։ «Ես կարող եմ ինքս հրաման տալ, բայց դեռ չեմ կատարել»,- հավելել է Թրամփը։
Ավելի վաղ Associated Press-ը, վկայակոչելով աղբյուրներին, հայտնել էր, որ Պենտագոնի կողմից ռազմական օգնությունը կասեցնելու որոշումը Թրամփի համար անակնկալ էր։ Գործակալության տվյալներով՝ նա դժգոհություն է հայտնել Պաշտպանության նախարարության և նախագահական վարչակազմի միջև համակարգվածության բացակայության վերաբերյալ։
Միևնույն ժամանակ, Պենտագոնի մամուլի քարտուղար Քինգսլի Ուիլսոնը հերքել է այդ տեղեկությունը՝ նշելով, որ պաշտպանության նախարար Փիթ Հեգսեթը խորհրդակցել է նախագահի հետ։
