Ֆրանսիական Jurists for the Respect of International Law (JURDI) իրավաբանների խումբը դատական հայց է ներկայացրել վարչական դատարան՝ պահանջելով կասեցնել Ռուասի Շառլ դը Գոլ օդանավակայանով Իսրայելին ռազմական բեռների մատակարարումը։
JURDI-ն հայտարարել է, որ «անհետաձգելի հայց» է ներկայացրել Մոնտրեյի վարչական դատարան՝ շվեդական «Swebor Stal Svenska AB »ընկերության կողմից իսրայելական «Elbit Systems» պաշտպանական կորպորացիային ուղարկված ռազմական տեխնիկայի խմբաքանակի տարանցումը կասեցնելու համար։
«Elbit Systems-ը Իսրայելի բանակի զենքի խոշորագույն մատակարարն է և կարևոր դեր է խաղում ներկայիս ռազմական գործողություններում, այդ թվում՝ Գազայի հատվածում», — ասվում է խմբի կողմից X (նախկինում՝ Twitter) սոցիալական ցանցում հրապարակված հայտարարության մեջ։
Փաստաբանները նշում են, որ ցանկացել են ֆրանսիական իշխանությունների ուշադրությունը հրավիրել միջազգային հանցագործություններին իրենց «հնարավոր հանցակցության» վրա, որը, նրանց խոսքով «հակասում է ֆրանսիացի ժողովրդի արժեքներին»։
«Elbit Systems-ի համար նախատեսված զրահապատ մեքենաների անվերահսկելի տարանցման թույլտվությունը համարժեք է Ֆրանսիայի տարածքից միջազգային հանցագործությունների կատարմանը նպաստելուն, որոնք արդեն դատապարտվել են Արդարադատության միջազգային դատարանի և Միջազգային քրեական դատարանի կողմից», — ընդգծել է JURDI-ն։
