ԱՄՆ նախագահ Դոնալդ Թրամփը նախատեսում է բանակցություններ վարել Ուկրաինայի նախագահ Վլադիմիր Զելենսկու հետ Կանադայում կայանալիք G7 գագաթնաժողովի շրջանակներում։ Այս մասին հայտնել է Սպիտակ տան ներկայացուցիչը, որի խոսքերը փոխանցել է նախագահական մամուլի ծառայությունը։
Ուկրաինայի նախագահի հետ հանդիպումից բացի, Թրամփը պատրաստվում է նաև զրուցել Կանադայի վարչապետ Մարկ Քարնիի և Մեքսիկայի նախագահ Կլաուդիա Շեյնբաումի հետ։
G7 գագաթնաժողովը, որին մասնակցում են ԱՄՆ-ն, Կանադան, Մեծ Բրիտանիան, Գերմանիան, Ֆրանսիան, Իտալիան և Ճապոնիան, տեղի է ունենում հունիսի 15-ից 17-ը Ալբերտայի Կանանասկիս հանգստավայրում։ Թրամփը նախկինում ժամանել էր Կանադա՝ միջոցառմանը մասնակցելու համար։
