Վարչապետ Նիկոլ Փաշինյանն իր Ֆեյսբուքի էջում տեսանյութ է տարածել, որում իր կարծիքն է ներկայացնում, թե ինչու է Մեսրոպ Մաշտոցը առաջինը թարգմանել Աստվածաշնչի Գիրք Առակացի առաջին նախադասությունը. «Ճանաչել իմաստությունը և խրատը, իմանալ հանճարի խոսքերը, ընկալել խոսքի բարդ դարձվածքները…»:
«Ոչ մի գիտական հիմնավորում չկա, թե ինչու է հատկապես այդ կտորից սկսել Մեսրոպ Մաշտոցը հայերեն նոր տեքստի ստեղծումը:
Շատ եմ մտածել այդ մասին, և իմ եզրակացությունն այն է, որ 405 թվականին Հայաստանը եղել է նույն խաչմերուկի վրա, ինչ 2026 թվականին: Եվ մեր խնդիրն է, որ այդ խաչմերուկում կանգնած լինելով և մտածելով, մեր ճանապարհը շարունակենք այնպես, ինչպես պետք է շարունակենք, որպեսզի հետագայում «Ողբամ քեզ, Հայո՛ց աշխարհը» չգրվի»,- ասաց նա:
