Իսրայելի ռմբակոծության հետևանքով առնվազն 12 մարդ է զոհվել, ավելի քան 40-ը՝ տուժել Գազայի հատվածի հարավում գտնվող Խան Յունիս քաղաքում։ Այս մասին հայտնել է կատարական Al Jazeera հեռուստաալիքը։
Ըստ նրա տվյալների, հարվածը հասցվել է տեղահանված անձանց համար նախատեսված վրանային ճամբարին։
Մարտի 18-ին իսրայելական բանակը վերսկսել է մարտական գործողությունները հատվածում՝ զանգվածային հարվածներ հասցնելով դրա ուղղությամբ և այդպիսով ընդհատելով այս տարվա հունվարին հաստատված հրադադարի ռեժիմը։ Իսրայելի վարչապետ Բենիամին Նեթանյահուի գրասենյակը դա բացատրել է պաղեստինյան արմատական ՀԱՄԱՍ շարժման՝ բանակցություններում միջնորդների և ԱՄՆ նախագահի հատուկ բանագնաց Սթիվեն Ուիթքոֆի առաջ քաշած առաջարկներից հրաժարվելով՝ հայտարարելով, որ Գազայում գործողության նպատակը բոլոր պատանդների ազատ արձակումն է։ Արմատականները մարտական գործողությունների վերսկսման պատասխանատվությունը դրել են Իսրայելի և ԱՄՆ-ի վրա։
Իսրայելի վարչապետի գրասենյակի խորհրդական Դմիտրի Գենդելմանը մայիսին հայտարարել է, որ Իսրայելի բանակը մտել է Գազայի հատվածում ՀԱՄԱՍ շարժմանը ջախջախելու «Գեդեոնի կառքերը» ռազմական գործողության վճռորոշ փուլ։
